2026 жылғы World Sports Photography Awardsмарапатына өтініш қабылдау ашық
Спорттық фотосурет саласындағы әлемдегі басты іс-шара World Sports Photography Awards (Әлемдік спорттық фотосуреттер марапаты) бүгін Canon компаниясын көптен күткен 2026 жылғы шараның ресми серіктесі ретінде жариялайды. Әлемнің үздік спорт фотографтары қатысатын іс-шарада спорттың өзегінде жатқан құмарлықты, шынайы эмоцияларды, шымырлықты, зейінді көрсететін жұмыстар бағаланады.
2026 жылы фотографтар 2024 жылдың желтоқсаны мен 2025 жылдың қарашасы аралығында 24 спорт категориясы бойынша түсірілген 10 фотосуретке дейін ұсына алады. Өтініштерді қабылдау тегін және 2025 жылдың 24 қарашасында аяқталады. Байқауға 2025 жылы жіберілген фотосуреттер қатыстырылмайтынын ескеріңіздер.
Негізгі мәліметтер:
• Өтініштерді қабылдау басталатын күн: 1 қазан 2025 жыл
• Өтініш берудің соңғы күні: 24 қараша 2025 жыл
• Талаптар: 2024 жылдың желтоқсаны мен 2025 жылдың қарашасы аралығында түсірілген 10 фотосуретке дейін.
• Санаттар: 24 спорт санаты
• Құны: тегін
2026 жылғы байқауды жаңа және қызықты «Canon Emerging Talent Award» марапаты толықтырады. Осы арнайы санат спорт фотографтарының келесі буынына, әсіресе 30 жасқа толмаған жас әрі болашағы зор дарындарға ерекше шеберлігі, жасампаздығы, спорттың драмасы мен сұлулығын түсіруге құмарлығы үшін назар аударады.
Canon компаниясының спорттық фотосурет саласындағы тарихы ұзақ әрі абыройлы, ол фотографтардың талай буынын тұтас дәуірлердің бейнесіне айналған таңғажайып сәттерді түсіру үшін құралдармен жабдықтап келеді.
Ричард Шепард, Canon Europe бейне өңдеу бөлімінің өнім маркетингі жөніндегі аға менеджері: «Canon кәсіпқой спорт фотографтарына қолдау көрсетіп, оларға спорт тарихындағы ең керемет сәттерді түсіруге көмектесіп келе жатқанын мақтан тұтады. «Canon Emerging Talent Awards» марапатын жариялай отырып, біз осы мұраны жалғастырамыз, осылайша келесі визуалды сторителлинг мамандары ұрпағына қолдауымызды кеңейтеміз. Бұл жаңа санат осы салаға енді аяқ басқан фотографтардың шығармашылық әлеуеті мен ынта-жігерін дәріптейді және олардың өркендеуі үшін қажетті құралдар мен мүмкіндіктерді қамтамасыз ету жөніндегі айнымас ұмтылысымызды көрсетеді».
Спорт, медиа, фотосурет, брендинг және креативті индустриялардың жетекші қайраткерлері қатысатын World Sports Photography Awards марапаты өзін әлемдегі ең ірі спорттық фотосурет іс-шарасы ретінде танытты. 2025 жыл рекордтық жыл болды, байқауға 97 елден 50-ден астам спорт түрін көрсететін 2200-ден астам фотограф қатысты. Бұқаралық ақпарат құралдарында кеңінен хабар тарату және жетекші спорттық ұйымдардың қатысуы марапаттың жаһандық ауқымда тұрақты тамыр жаюын және ықпалын айшықтай түсті.
Ережелер мен талаптарды «Ережелер» бетінен таба аласыздар, сонымен қатар шарттар мен ережелермен және басқа да жиі қойылатын сұрақтармен таныса аласыздар.
Қосымша ақпарат алу және қатысу үшін сайтқа кіріңіз: www.worldsportsphotographyawards.com