Алматыда демалыс орындарында бет-әлпетті тану жүйесін сынақтан өткізу пилоттық жобасы іске қосылды
Алматы қаласында демалыс орындары мен ойын-сауық мекемелерінде бейнеаналитика жүйесін енгізу бойынша пилоттық жоба іске қосылды.
Ақылды камералар бұрын қылмыс пен құқықбұзушылық жиі тіркелген 12 мекемеге орнатылды. Жүйе бет-әлпетті таниды және төтенше жағдайларға — төбелес, адамдардың жиналуы, агрессивті мінез-құлық немесе қоғамдық тәртіптің ұсақ бұзылуларына (мысалы, рұқсат етілмеген жерде шылым шегу) — автоматты түрде әрекет етеді.
Алматы қаласы Полиция департаментінің бастығы Арыстанғани Заппаровтың айтуынша, технология алғашқы нәтижелерін көрсетуде:
Бейнежүйе қалалық жедел басқару орталығымен біріктірілген, бұл полицияға ықтимал қауіптерге жедел әрекет етуге мүмкіндік береді.
Жоба тестілік режимде жүзеге асырылуда. Болашақта жүйені барлық ойын-сауық мекемелерінде, сондай-ақ саябақтарда, базарларда, сауда және спорт нысандарында енгізу жоспарланып отыр.