ICPC Астанада: Орталық Азияның үздік бағдарламашылары 2025 жылғы финалға жолдама алу үшін бақ сынайды
2024 жылдың 14-15 желтоқсан аралығында Astana IT University қабырғасында бағдарламалау бойынша ICPC халықаралық студенттік олимпиадасының жартылай финалы өтеді. Жарысқа құрамы үш адамнан тұратын Қазақстан, Қырғызстан, Өзбекстан және Тәжікстан жоғары оқу орындарынан 90 команда қатысады. Турнирдің бір мезгілде Астана, Санкт-Петербург және Тбилиси қалаларында өтетінін, оған Солтүстік Еуразия аймағының барлық елдерінен қатысушылар жиналатынан атап өткен жөн, бұл ретте бәсекелестік рейтингі бүкіл аймақ үшін ортақ болады. Іріктеу жарыстарына арналған осы кезең қатысушылар үшін шешуші сәт болмақшы. Өйткені, бұл кезең 2025 жылы өтетін ICPC финалына қатысуға мүмкіндік береді. Толық бағдарлама мына сілтемеде.
ICPC – 1977 жылдан бері өткізіліп келе жатқан бағдарламашы студенттерге арналған аса ірі және беделді жарыстардың бірі. Алгоритмдік есептер топтамасынан тұратын жарыс қатысушылардан техникалық даярлықтығана емес, сондай-ақ командада жұмыс істей білуді және уақытты тиімді пайдалана білуді талап етеді.
2024 жылдың қыркүйегінде Астанада ICPC World Finals 2024 финалы өткенін, оған әлемнің жетекші, оның ішінде Оксфорд, Стэнфорд, MIT, Беркли және өзге деуниверситеттерден 142 команда әлемнің үздік бағдарламашылар атағына жарысуға келгенін еске саламыз.
Орталық Азиядағы жартылай финалдың ресми ұйымдастырушылары - Спорттық бағдарламалау федерациясы Астана IT University-мен бірлесе жарыстың ұмытылмас ахуалын жасауға және чемпионаттың жоғары деңгейде өтуін қамтамасыз етуге ұмтылады. Freedom Holding Corp., «Freedom Shapagat» CF және Kcell/activ ұялы байланыс операторының қолдауының арқасында турнирді өткізуге мүмкіндік туды.
Астанадағы ICPC жартылай финалы Қазақстан мен Орталық Азиядағы IT-білім беруді дамыту үшін маңызды қадам, әрі дарынды жастарға тәжірибе алмасу мендағдыларын жақсартуға арналған бірегей алаң ұсынады. Бұл оқиға Қазақстанның Орталық Азиядағы басты IT хаб мәртебесін нығайтатын маңызды қадам болмақ.
Жартылай финал бағдарламасы:
14 желтоқсан 13:00-14:00 – командаларды тіркеу 14:30 – 15:15 – ашылу салтанаты 15:15 – 16:45 – демеушілер белсенділігі 16:45 – 18:00 – демалыс аймағы және кофе-брейк 18:15–18:30 – командаларды орналастыру 18:30- 18:50 – командалық аймаққа кіру 19:00 – 20:00 – сынамалық тур | 15 желтоқсан 11:00 – 11:30 – командаларды орналастыру 11:30 – 11:50 – командалық аймаққа кіру 12:00 – 17:00 – негізгі жарыс 17:00 – 19:00 – кешкі ас 19:00 – 20:00 – марапаттау салтанаты
|
● Өтетін орны: Astana IT University, Мәңгілік елдаңғылы, 55/11, C1 блогы
Қосымша ақпарат алу үшін келесі тұлғаларға хабарласуға болады:
«Спорттық бағдарламалау федерациясы» РҚБ баспасөз қызметі
Толқын Наурызбаева
+77011757075
Astana IT University баспасөз қызметі
Сандуғаш Сүндетбай
+7 707 575 10 89
sandugash.sundetbay@astanait.edu.kz
astanait.edu.kz