Қарағанды қаласында фрилансерлерді қолдау бойынша ВРО-орталығы ашылуда
Қарағандыдағы мамандарды кәсіби жетілдіру үшін білім беру іс-шаралары мен қызметтер спектрін біріктіретін фрилансерлерге арналған бірегей кеңістік – BPO-орталығы іске қосылады. Орталық халықаралық нарыққа шығуды қалайтын қарағандылық фрилансерлерге өсу нүктесі және жергілікті экономиканы дамыту үшін маңызды қадам болып табылады.
ВРО дегеніміз не?
ВРО - бұл Business Process Outsourcing, яғни бизнес-процестерді аутсорсингке тапсыру. Дүние жүзіндегі компаниялар бұл модельді тапсырмаларды кәсіпқойларға тапсыру арқылы масштабталуға назар аудару үшін пайдаланады.
Кеншілер астанасында жаңа ВРО-орталық құрудың бастамашысы қарағандылық “Терриконовая долина” ІТ-хабы болды. Орталықтың ұйымдастырушылары өңірде қалып, кірістерін осында жұмсай отырып, шетелдік компанияларда жұмыс істей алатын фрилансерлерге үміттерін артуда. Бұл жергілікті экономикадағы қаражат айналымын арттырады және жаңа жұмыс орындарын ашады.
BPO-орталығы қандай мүмкіндіктер ашады?
ВРО-орталық аясында тәжірибелі мамандардан тұрақты түрде дәрістер, курстар мен воркшоптар, қауымдастықтағы қатысушыларды дамыту үшін пайдалы қызметтер (мысалы, тапсырыс берушілерді іздеуге және келісімшарттарды ресімдеуге көмектесу), сондай-ақ әріптестермен нетворкинг құру және тәжірибе алмасу мүмкіндігін ұйымдастырылады.
Наурыз айында ВРО-қауымдастыққа арналған іс-шаралар да жоспарланған. 3 наурыз күні АІ-мен жұмыс істеу бойынша курс басталады, ол жерде қатысушылар жасанды интеллектінің жұмыс істеу мүмкіндіктерін зерттеп, өздерінің AI-жобаларын жасай алады. Ал 20 наурыз күні фриланста жұмыс істеуді қалайтын дизайнерлерге дәріс пен нетворкинг өтеді.
Қарағандыда BPO-орталықтың ашылуы - бұл жай бастама емес, мықты фрилансерлік-комьюнити қалыптастыруға және өңірдің цифрлық экономикасын дамытуға жасалған нақты қадам. Білім беру бағдарламалары, сараптамалық қолдау және халықаралық тапсырыс берушілермен жұмыс істеу мүмкіндігі мамандарға жаңа перспективалар жасайды. Ұзақ мерзімді перспективада бұл бизнеске жаңа мүмкіндіктер ашады және өңірдің бәсекеге қабілеттілігін арттырады.