Қаржы министрлігі 2026 жылға қарай барлық сатып алуларға арналған бірыңғай портал іске қосады.
Қазақстанда мемлекеттік және квазимемлекеттік сатып алуларды бірыңғай цифрлық платформада біріктіру жұмыстары басталды. Бұл туралы Қаржы вице-министрі Даурен Кенбеіл сатып алулар саласындағы жаңа заңнаманы іске асыру бойынша талқылау аясында хабарлады.
2024 жылдың 1 қаңтарынан бастап бірыңғай портал іске қосылып, үш жүйеге кіретін негізгі платформа ретінде жұмыс істей бастады: мемлекеттік сатып алулар, «Самұрық-Қазына» қорының сатып алулары және квазимемлекеттік сектордың сатып алулары. Қазіргі уақытта техникалық интеграция кезеңі жүргізілуде, оның аясында Қаржы министрлігі барлық бағыттар бойынша жиынтық талдаулар мен толық ақпарат алып отыр.
Келесі кезең – нормативтік біріздендіру, ол бойынша жұмыс әлі де жалғасуда. Вице-министр қазіргі уақытта тәсілдерде айырмашылықтар бар екенін атап өтті. Атап айтқанда, «Самұрық-Қазына» отандық өндірушілерді оффтейк-келісімшарттар мен өзге де преференциялар түріндегі кеңейтілген қолдау тетіктері арқылы қолдай алады. Ал мемлекеттік сатып алуларда бұл мүмкіндіктер шектеулі, себебі Қазақстанның ДСҰ және ЕАЭО аясындағы халықаралық міндеттемелері бар.
Қазіргі деректер бойынша, «Самұрық-Қазына» қорының сатып алуларындағы отандық тауарлар мен қызметтердің үлесі 79%-ға жетеді, ал мемлекеттік сатып алулар жүйесінде бұл көрсеткіш төменірек.