Қазақстан энергетика саласының деректер орталығын Энергетика министрлігі таныстырды
Қазақстанның Энергетика министрлігі энергетика саласының жаңа сандық платформасы – Деректер орталығын таныстырды. Бұл жүйені бұрынғы ИАЦНГ, қазіргі САЦТЭК әзірлеген.
Енді Энергетика министрлігіне күн сайын түсетін барлық мәліметтер цифрландырылып, бірыңғай платформаға біріктірілді. Бұл негізгі көрсеткіштерді бақылауға мүмкіндік береді: мұнай өнімдерінің қоры, мұнай өндіру, өткізу және экспорттау көлемдері. Сондай-ақ, болжамдық және тарихи графиктерді құруға болады. Мысалы, 25 қарашадағы мәлімет бойынша ТШО мұнайдың күнделікті өндіру жоспарын 25%-ға орындамай қалғаны тіркелген, ал бұл ақпаратты бірнеше деңгейде талдап көруге болады.
Жаңа платформа энергетика саласын талдау және шешім қабылдау үшін маңызды құралға айналмақ, сонымен қатар деректермен жұмыс істеудің икемді мүмкіндіктерін ұсынады. Алайда жүйеге қолжетімділік шектеулі болып қалады.
Сонымен бірге, жер қойнауын пайдаланушылар үшін СПОН мен ЕГСУ платформаларын 2025 жылдың 1 маусымына дейін бірыңғай жүйеге біріктіру жоспарланғаны хабарланды. Бұл процестерді жеңілдетіп, өзара іс-қимылдың ашықтығын арттырады.