Қазақстан энергетика секторын басқару үшін цифрлық технологияларды енгізуде
Қазақстанда отын-энергетикалық кешенді цифрландыру жалғасуда. 2024 жылы Энергетика министрлігінің Ситуациялық-талдау орталығы (СТО) іске қосылды. Бұл орталық энергетикалық нысандардың жұмысының көрсеткіштерін нақты уақыт режимінде бақылап, салалық тәуекелдерді талдауға мүмкіндік береді.
2025 жылы қандай өзгерістер болады?
Жылу маусымын мониторингтеу жүйесін іске қосу – күзгі-қысқы кезеңге дайындық пен оның өтуін бақылауға мүмкіндік береді.
Жасанды интеллектті енгізу – цифрлық алгоритмдер салалық көрсеткіштерді талдау мен болжау процестерін автоматтандыруға көмектеседі.
Мұнай өнімдері мен сұйытылған газды бөлуге арналған цифрлық қызметті әзірлеу – ресурстарды басқару тиімділігін арттырып, тұтынушыларды үздіксіз қамтамасыз етуді қамтамасыз етеді.
Салалық білім беру платформасын әзірлеу – оқу материалдарына қолжетімділікті арттырып, энергетика саласындағы мамандардың біліктілігін жоғарылатады.
Ситуациялық-талдау орталығы
Энергетика министрлігінің СТО – энергетика саласын басқарудың заманауи құралы, ол мониторинг, болжау және жедел әрекет етуді нақты уақыт режимінде жүргізуге мүмкіндік береді.
Орталықтың негізгі функциялары:
● Электр энергиясын өндіру және тұтынуды бақылау
● Мұнай мен газ өндіру және тасымалдауды қадағалау
● Жылу маусымының мониторингі
● Отын-энергетикалық кешен нысандарының ситуациялық-талдау картасын жүргізу
Бұл цифрлық шешімдерді енгізу Қазақстанның энергетикалық инфрақұрылымын дамытудағы маңызды кезең болмақ, оның ашықтығын, сенімділігін және тиімділігін арттырады.