Қазақстанда “Болашақ Ойындары” қашан өтеді?
Халықаралық турнир 2026 жылы 18 шілде мен 1 тамыз аралығында Астанада өтеді. Бұл туралы Туризм және спорт вице-министрі Серік Жарасбаев хабарлады.
Турнирге 100-ге жуық елден 1500-ден астам спортшы қатысады. Екі аптаға созылатын жарыстар физикалық белсенділік пен цифрлық технологияларды біріктіретін 13 фиджитал-дисциплинаны қамтиды.
Бекітілген дисциплиналар:
• Phygital Football
• Phygital Fighting
• Phygital Basketball
• Phygital Dancing
• Phygital Hockey
• Phygital Shooter
• Phygital Battle Royale
• MOBA 1 және MOBA 2
• Phygital Drone Racing
• Battle Bots
• Phygital Boxing
• Cybathletics
Ашылу және жабылу салтанаттары кең ауқымды технологиялық шоу ретінде өтеді: AR, 3D-mapping, лазерлік эффектілер мен әлемдік жұлдыздардың қатысуы жоспарлануда.
Жүлде қоры — 10 миллион доллар. Бұл сома 13 дисциплинаға бөлініп беріледі. Барлық қаражат — бюджеттен емес, тек демеушілер есебінен қалыптастырылады.