Қазақстанда әрбір салық төлеушіге арналған цифрлық досье қалай қалыптасады
Қазақстанда Smart Data Finance (SDF) деп аталатын цифрлық жүйе құрылып жатыр, ол барлық салық төлеушілер — жеке және заңды тұлғалар туралы деректерді нақты уақыт режимінде жинап, талдауға мүмкіндік береді.
Қаржы вице-министрі Асет Тұрысовтың айтуынша, жаңа платформа «мемлекеттік қаржының миы» болады және 74 мемлекеттік дерекқорды біріктіреді. Бұған дейін министрлік әр ведомстводан ақпаратты қолмен сұратуға мәжбүр болса, енді бұл процестер толығымен автоматтандырылады.
Smart Data Finance Мемлекеттік кірістер комитетінің ескі жүйелерін біріктіріп, әр салық төлеушіге онлайн-досье қалыптастырады. Бұл салықтарды автоматты түрде есептеуге және декларацияларды алдын ала толтыруға мүмкіндік береді.
Тұрысовтың айтуынша, болашақта Big Data негізінде камералдық бақылау және тәуекел-талдау жүйелері дамытылады, сондай-ақ бюджет кірістерін болжау үшін жасанды интеллект қолданылады.
Вице-министр мәліметтердің қауіпсіздігі бірнеше деңгейде қамтамасыз етілетінін атап өтті:
– Заңнамалық деңгейде — «Ақпараттандыру туралы» заңға сәйкес барлық мемлекеттік жүйелер кемінде үш жылда бір рет осалдықтарға тестілеуден өтеді;
– Техникалық деңгейде — Интеграцияланған салықтық әкімшілендіру жүйесі (ИСНА) және Smart Data Finance ақпараттық қауіпсіздік сынақтарынан өтті;
– Инфрақұрылымдық деңгейде — барлық деректер электрондық үкімет операторы «Ұлттық ақпараттық технологиялар» АҚ-ның жабық контурында сақталады, ол сыртқы желілерден оқшауланған және мемлекеттік деректерді қорғау талаптарына сай.
Асет Тұрысов салық органдары тек өз өкілеттіктері аясында және регламент бойынша жұмыс істейтінін айтты: