Қазақстандық мұғалімдер жасанды интеллектпен жұмыс істеуді үйренуде
Елде педагогтарды цифрлық дағдыларға оқытуға бағытталған ауқымды бағдарлама басталды. ҚР Оқу-ағарту министрлігі жанындағы «Өрлеу» Ұлттық орталығы ЮНЕСКО-мен бірлесіп, қазақстандық мұғалімдерге бейімделген әрі халықаралық тәжірибеге негізделген бағдарламаны әзірледі.
Мұғалімдер ЖИ-ді тәжірибелік әрі этикалық тұрғыда қолдануды, промпт құруды, сабақ жоспарлауды, тесттер мен материалдар дайындауды, сондай-ақ иллюстрациялар жасауды меңгере алады. Басты идея — ЖИ мұғалімнің көмекшісіне айналып, оның шығармашылық мүмкіндіктерін кеңейту.
Курс reg.orleu.edu.kz сайтында тегін қолжетімді. Бірінші аптада шамамен 100 мың педагог тіркеліп, олардың жартысына жуығы сертификат алды.