Қазақстандықтар Kaspi Bank постаматтары арқылы туу туралы куәлік ала алады
2025 жылы Қазақстанда азаматтардың ХҚКО-ға бармай-ақ туу туралы куәлік алуына мүмкіндік беретін пилоттық жоба іске қосылады.
Туу туралы куәліктер «Kaspi Bank» АҚ постаматтары арқылы жеткізілетін болады. Жобаны Әділет министрлігі мен Цифрлық даму, инновациялар және аэроғарыш өнеркәсібі министрлігі бірлесіп жүзеге асырады.
ЗАГС қызметтерін цифрландыру аясында туу, қайтыс болу, неке қию және неке бұзуға қатысты куәліктер мен анықтамалар үшін электрондық апостиль енгізу жоспарлануда. Бұл жаңашылдық азаматтарға құжатты рәсімдеп, апостиль қоюды бір өтініш аясында жүзеге асыруға мүмкіндік береді. Қызмет 2025 жылдың төртінші тоқсанында қолжетімді болады.
Әділет министрлігі сондай-ақ атқарушылық жазбаларды жеңілдету үшін пилоттық жобаны іске қосуды жоспарлап отыр. Құжаттар мен қарсылықтарды «Бірыңғай нотариаттық ақпараттық жүйесі» ақпараттық жүйесіндегі борышкердің жеке кабинеті арқылы ұсыну көзделген. Атқарушылық жазбалар тек борышкердің тіркелген жері бойынша рәсімделетін болады.