Жасанды интеллектті сауда-саттықта қалай қолдануға болады?
Бүгінде жасанды интеллект (AI) тек IT мамандары үшін ғана емес кез келген салада тиімді құралға айналды, оның ішінде сауда-саттық та бар. AI-ды дұрыс қолдану сатушыға клиенттерді жақсырақ түсініп, ұсыныстарды жекелендіруге және сатуды арттыруға көмектеседі. Бүгін біз сату мамандары AI-ды қалай тиімді пайдалана алатынын қарастырамыз.
Бизнесті автоматтандыру компанияларға қателерді азайтып, тапсырыстарды өңдеу уақытын жылдамдатуға мүмкіндік беретінін жазған едік. Мысалы, сөйлеуді тану жүйелерін Тапсырыс нысандарын автоматты түрде толтыру үшін пайдалануға болады. Егер телефония біріктірілген болса, CRM-нен менеджердің әңгімелесуін транскрипция жасап, деректерді автоматты түрде дерекқорға көшіре аласыз. Бұл уақытты үнемдейді және қателерді азайтады.
Жасанды интеллектті клиенттердің пікірлерін алуға және өнімдер мен қызметтерді жақсарту үшін пайдалануға болады. Мысалы, көптеген компаниялар тұтынушылардың сұрақтарына жауап беру және мәселелерді шешу үшін чат-боттарды қолданады.
Жасанды интеллектке қандай тапсырмалар беруге болады
• Деректерді талдау және тұтынушыны түсіну
AI үлкен көлемдегі деректерді өңдеп, тұтынушылардың мінез-құлқын болжауға көмектеседі. Машиналық оқыту алгоритмдері клиенттердің өткен сатып алуларын, олардың қызығушылықтарын және өзара әрекеттесу тарихын талдай отырып, олар үшін ең қолайлы ұсыныстарды жасай алады. Бұл әдіс әсіресе B2B және B2C секторларында маңызды.
• Жекелендірілген ұсыныстар жасау
AI жүйелері клиенттерге жекелендірілген хаттар мен ұсыныстар әзірлеуге көмектеседі. Клиенттердің қажеттіліктерін алдын ала анықтау арқылы AI өнімдер мен қызметтерді барынша тиімді түрде ұсынуға мүмкіндік береді. Бұл сатылым конверсиясын арттырып, клиенттердің адалдығын нығайтады.
• Автоматтандырылған чат-боттар мен дауыстық көмекшілер
Чат-боттар тәулік бойы жұмыс істеп, жиі қойылатын сұрақтарға жауап беріп, тұтынушыларды қажетті ақпаратпен қамтамасыз етеді. Ал сатылым өкілдері уақытын күрделі мәмілелерге жұмсай алады.
• Баға белгілеу мен мәмілелерді оңтайландыру
AI нарықтағы бағаларды талдап, компанияларға ең тиімді баға стратегиясын ұсынуға көмектеседі. AI сонымен қатар клиенттердің сатып алу әлеуетін бағалай отырып, оларға арнайы жеңілдіктер мен ұсыныстар жасауға мүмкіндік береді.
• Болашақтағы сұранысты болжау
Жасанды интеллект өткен деректерді талдау арқылы сатылым тенденцияларын болжай алады. Бұл компанияларға өнімдерді алдын ала дайындауға, логистиканы жоспарлауға және қойма қорларын тиімді басқаруға көмектеседі.
• Сату үдерістерін автоматтандыру
CRM жүйелерімен біріктірілген AI құралдары сатылым үдерісін автоматтандыруға мүмкіндік береді. Мысалы, AI клиенттерді сегменттеп, оларға сәйкес маркетингтік стратегияларды ұсына алады. Бұл сатылым өкілдерінің жүктемесін азайтып, олардың өнімділігін арттырады.
Жасанды интеллектті енгізудің төрт қадамы
AI пайдалануды бастау үшін көп нәрсе қажет емес: құралды іске қосыңыз, сұрауды енгізіңіз және пайдалануды бастаңыз. Бірақ сатылым саласына енгізу сәл басқаша, ол үшін келесі қадамдарды жасаңыз:
1. Жұмыста жасанды интеллект не үшін қажет екенін анықтаңыз. Өнімге назар аударту, менеджерлердің жұмысын азайту немесе сән үшін, яғни бәрі қолданып жатыр деп ойланбастан енгізуге тырысу уақытты жоғалту.
2. AI таңдаңыз. Барлық нейрондық желілерді қарап шығыңыз, олардың кейбіреулері қосымша бағдарламаларды жүктеуді және қызметкерлерді оқытуды қажет етеді. Басқалары қолдануға дайын. Әр түрлі модельдер мен тілдерде икемділігін де тексеріңіз. Біреуімен шектелмей бірнешеуін таңдауға да болады.
3. Нейрондық желімен тікелей жұмыс жасаңыз. Чат-ботты сайтқа немесе мессенджерге енгізбес бұрын, оны жұмыс жағдайында қолданып көріңіз. Әртүрлі санаттағы клиенттердің фокус-тобын таңдап, олардың сұрауларының қалай ерекшеленетінін көруге болады
4. AI енгізіңіз. Бұл кезеңде маманның көмегі қажет болуы мүмкін. Өзіңіз тәжірибе жасағыңыз келсе Битрикс24 тегін орнатып, қызметтерін пайдаланып көріңіз.
AI-мен жұмыс істеу кезіндегі сақтық шаралары
Жасанды интеллект көп нәрсе жасай алады, алайда олар деректерді тексере алмайды. Яғни жалған ақпарат беріп жіберу қауіпі бар, сондықтан мәліметтерді мұқият тексеріп отыру керек. Мысалы, күрделі сараптамалық мақалалар жазу барысында машиналарға сенбеңіз.
AI жасаған сурет немесе видеоны да тексеріңіз, артықсимвол, жағымсыз көрініс немесе қорқынышты дүниелер кетіп қалмасын.
Сондай-ақ, клиенттермен сөйлесуге қосылған ботқа сақтықпен қарау керек. Оның адамдарға дөрекі жауап бермейтінін, артық сөздер айтпайтынын бірнеше рет тексеріңіз. Жалпы қазақтың “жеті рет өлшеп, бір рет кес” деген мақалын ұмытпаңыз. Бәрін саралап барып қолданыңыз.