Жаслан Мәдиев Google компаниясының өкілдерімен кездесті
АҚШ-та жүрген цифрлық даму, инновациялар және аэроғарыш өнеркәсібі министрі Жаслан Мәдиев Google компаниясының өкілдерімен кездесті. Министрдің айтуынша, бұл елдегі цифрландыру және инновациялар саласындағы стратегиялық мақсаттарға жетуде таптырмасқ мүмкіндік.
Кездесу барысында Google өкілдері өздерінің жаңа өнімдері мен шешімдерінің презентациясын ұсынды. Цифрлық қызметтерді дамытуға және Қазақстан экономикасының әртүрлі салаларының тиімділігін арттыруға ықпал ететін инновациялық технологиялар таныстырылды.
“Кездесу барысында тараптар бұлтты технологияларды, жасанды интеллектті және автоматтандыруды дамыту сияқты ынтымақтастықтың перспективалы бағыттарын талқылады. Сонымен қатар, бірлескен бастамаларды іске асыру бойынша жоспарлар белгіленді”, - делінген хабарламада.