1 ақпаннан бастап ТТҚ АЖ-де таңбалау кодының иесін тексеру функциясы қосылады
2025 жылдың 1 ақпанынан бастап тауарларды таңбалау және қадағалау ақпараттық жүйесіне (ТТҚ АЖ) таңбалау кодының иесін тексеру функциясын енгізу жоспарлануда. Аталмыш шара дәрілік заттар айналымының ашықтығы мен қауіпсіздігін арттыруға бағытталған.
Өнімді таңбалау және қадағалау жүйесіне таңбалау кодының иесін тексеруді енгізу бүкіл жүйенің тұтастығын, қауіпсіздігін және сенімділігін қамтамасыз етуде үлкен маңызға ие. Бүгінгі күні ТТҚ АЖ-де таңбалау кодының иесін тексеру өшірілген, бұл дәрілік заттардың айналымына қатысушыларға кодтардың иелері болмай-ақ бақылау құжаттарын жасауға және одан әрі жеткізуді жүзеге асыруға мүмкіндік береді. Дегенмен бұл бақылау жүйесі мен дәрілік айналым қауіпсіздігі үшін белгілі бір қауіптерді тудырады:
Таңбалау кодының иесін тексеруге мүмкіндік беру үшін дәрілік заттардың айналымына қатысушылардың барлығын, соның ішінде өндірушілерді, дистрибьюторларды, дәріханаларды, медициналық мекемелерді және т.б. алдын ала дайындауды және бейімделуді талап етеді. Жаңа талапқа сай жұмысқа тиімді көшу үшін айналымның барлық қатысушыларын хабардар етіп, алдын ала жүйелерді конфигурациялауды және қызметкерлерді оқыту қажет.
2025 жылғы 6 қаңтардағы жағдай бойынша ТТҚ АЖ-де 3173 дәріхана ұйымы, 276 дәріхана қоймасы, МӘМС жеткізушілері болып табылатын 1780 медициналық ұйым және 768 мемлекеттік медициналық ұйым тіркелді.
Еске сала кетейік, 2024 жылдың 1 шілдесінен бастап Қазақстанда дәрілік заттарды міндетті түрде таңбалау және қадағалау енгізілді. Қазақстанда дәрілік заттарды таңбалаудың және қадағалаудың мақсаты дәрілік заттардың өмірлік циклінің барлық кезеңдерінде: өндірістен немесе импорттан бастап түпкілікті тұтынушыға дейін қозғалысына ашықтық пен бақылауды қамтамасыз ету болып табылады. Бұл дәрі-дәрмектің әрбір пакетіне олардың қозғалысын нақты уақыт режимінде бақылауға мүмкіндік беретін Data Matrix кодтарын қолдану арқылы жүзеге асырылады.