1 миллион қазақстандық жасанды интеллект технологияларын үйренеді
ҚР ЦДИАӨМ халықты жасанды интеллект технологияларына оқыту жобасын ұсынды.
Жоба бойынша, Қазақстанда 5 жыл ішінде 1 миллион адамды даярлау жоспарланып отыр. Олардың ішінде:
• 500 мың мектеп оқушысы,
• 300 мың студент,
• 90 мың мемлекеттік қызметкер,
• 80 мың кәсіпкер,
• 30 мың басқа санаттағы азаматтар.
Сонымен қатар, министрлік білім беру жобаларын іске қосу бағытында жұмыс жүргізуде. Олардың бірі – мектеп оқушыларына арналған TUMO креативті технологиялар орталығы. Бұдан бөлек, ағымдағы жылдың қазан айында өңірдегі алғашқы жасанды интеллект мектебі Tomorrow School ашылып, ИИ саласындағы мамандарды даярлау басталды.