2026 жылдан бастап Қазақстанда бірыңғай медициналық деректерді сақтау жүйесі іске қосылады.
Қазақстан Денсаулық сақтау вице-министрі Ерболат Оспановтың айтуынша, 2026 жылдан бастап елде Data Health Care атты пациенттердің медициналық деректерін сақтайтын бірыңғай цифрлық платформа іске қосылады.
Бұл сервис барлық клиникалық ақпаратты — тегін медициналық көмектің кепілдік берілген көлемі (ТМККК), міндетті әлеуметтік медициналық сақтандыру (МӘМС) және денсаулыққа қатысты өзге де мәліметтерді — бір жүйеге біріктіреді.
Жобаның негізгі мақсаты — деректерді пациенттің өз атына бекітіп, оларды eGov порталы арқылы электрондық денсаулық паспорты арқылы бір жерде қолжетімді ету.
Пациенттер өз деректеріне қолжетімділікті өздері басқара алады: қандай мәліметтерді және қанша уақытқа ашатынын анықтайды. Денсаулық сақтау министрлігі Data Health Care жүйесі медициналық қызметтердің сапасы мен ашықтығын арттыруға маңызды қадам болатынын атап өтті.