Beeline және Starlink бүкіл ел бойынша спутниктік байланысқа арналған Direct to Cell технологиясын енгізеді
Beeline Қазақстан, Starlink және Қазақстан Республикасының Жасанды интеллект және цифрлық даму министрлігімен бірлесіп, Direct to Cell технологиясын енгізеді. Бұл шешім елдің кез келген нүктесінде — тіпті жерүсті байланысы жоқ аймақтарда да — хабарлама жіберуге және мобильді интернетті пайдалануға мүмкіндік береді.
Үшжақты меморандумға Қазақстан Президенті Қасым-Жомарт Тоқаевтың АҚШ-қа ресми сапары кезінде қол қойылды.
Келісім аясында:
— 2026 жылы Beeline спутник арқылы хабар алмасу қызметін іске қосуды жоспарлап отыр.
— Келесі кезеңде модемдер мен қосымша құрылғыларсыз интернетке қол жеткізу мүмкіндігі пайда болады.
— Технология қолданыстағы ұялы инфрақұрылыммен біріктіріліп, шалғай аймақтарда үздіксіз байланысты қамтамасыз етеді.
«Орбиталық желіні ұялы байланыспен біріктіру — дәстүрлі инфрақұрылым салу экономикалық тұрғыдан тиімсіз болатын аймақтарда байланыс орнатуға мүмкіндік береді. Спутник арқылы тікелей хабарлама жіберу мүмкіндігі қауіпсіздік мәселесін шешіп, тіпті адам өмірін сақтап қалуы мүмкін», — деп атап өтті Жаслан Мадиев.
Beeline Қазақстан құрамына кіретін VEON жаһандық холдингі де Starlink-пен барлық елдерде Direct to Cell технологиясын енгізу жөніндегі шектік келісімге қол қойды.
Қызметті тестілеу және іске қосу барлық реттеуші рәсімдер аяқталғаннан кейін жүзеге асырылады.