Гранттар, инвестициялар және «Бір терезе»: жаңа заң Қазақстандағы IT-стартаптарды қалай өзгертеді
Парламент Мәжілісі бірінші оқылымда инновациялық компаниялар үшін қаржыландыруға қол жеткізуді жеңілдететін заң жобасын қарады. Оның бастамашыларының бірі, Respublicaпартиясы атынан сайланған депутат Айтуар Қошмамбетов бұл құжат стартаптар мен жоғары технологиялық компаниялар үшін ашық және қолжетімді орта құруға бағытталғанын атап өтті.
Осылайша, IT-жобалардың авторлары бірыңғай платформа арқылы инвестор тауып, грантқа өтінім беріп, мемлекеттік қолдау ала алады. Сонымен қатар заң венчурлық қорлар үшін конкурстық іріктеуді енгізеді және жер қойнауын пайдаланушыларды технологияларды қаржыландыруға тартады.
Astana Hub технопаркі бүгінде 1,5 мыңнан астам стартапты біріктіріп, 19 млрд теңге мемлекеттік қолдау алды, бірақ Айтуар Қошмамбетов атап өткендей, бюрократиялық кедергілер мен функциялардың қайталануы стартаптарға экожүйенің мүмкіндіктерін толық пайдалануға кедергі келтіреді.
Ұсынылған заң жобасындағы негізгі жаңалықтар:
* Гранттарды тиімді бөлу үшін Astana Hub және "инновациялық технологиялар паркі" АКФ бірігуі;
* Стартаптар орталықтан қолдау ала алатын "Инноваторларға арналған бір терезе" (EONIS) платформасын іске қосу.
* Қорларды конкурстық іріктеумен және жер қойнауын пайдаланушыларды тартумен венчурлік қаржыландыруды дамыту.
* Энергетика мен медицинадағы технологияларды ынталандыру.
Айтуар Қошмамбетовтің айтуынша, жаңа заң кедергілерді жояды және мемлекеттік қолдаудың түсінікті жүйесін жасайды. Бұл қағидаттар кәсіпкерлердің өмірін айтарлықтай жеңілдетеді, бұл Respublica партиясының басымдығы екені белгілі.
Заңның қабылдануы Қазақстанға инновациялар саласындағы өз ұстанымын нығайтуға және елді жаһандық нарықта бәсекеге қабілетті етуге мүмкіндік береді.