Higgsfield AI Қазақстаннан шыққан алғашқы «бірмүйізді» болды
Назарбаев университетінде өткен шарада Higgsfield AI негізін қалаушы әрі CEO-сы Алекс Машрабов компанияның жылдық табыс көрсеткіші $50 млн-нан асып, нарықтық бағасы $1 млрд-тан жоғары «бірмүйізді» мәртебесін алғанын жариялады.
Бұл — Қазақстан тарихындағы алғашқы жағдай: соңғы 15 жылда ешбір өңірлік стартап мұндай деңгейге жетпеген.
Higgsfield-ке әлемнің жетекші венчурлық қорлары инвестиция салған. Олардың қатарында Anthropic жобасына қаржы бөлген Menlo Ventures және әлемдегі ең табысты қорлардың бірі — Accel бар.