ICPC 2024: Сарапшылар Қазақстандағы IT-білім берудің болашағын талқылайды
2024 жылдың 17 қыркүйегінде Астанада ICPC халықаралық студенттік бағдарламалау байқауы аясында технологиялар мен білім беру саласындағы жетекші сарапшылар қатысатын дөңгелек үстел өтеді. Іс-шара бағдарламалауды дамыту, талантты жастарды қолдау және білім беру жүйесіне инновациялар енгізу мәселелеріне арналған.
Дөңгелек үстелде Huawei компаниясының персоналды басқару департаменті президентінің орынбасары Тян Синпу, Стратегиялық зерттеулер институтының вице-президенті және *Huawei* компаниясының байқауларды басқару департаментінің директоры Аймен мырза, *Huawei Technologies Kazakhstan* басқарма директоры Сю Хай, сондай-ақ Қазақстан-Британ Техникалық Университетінің Басқарма төрағасы-ректоры Маратбек Ғабдуллин сияқты жетекші мамандар мен басшылар бас қосады. Шара 2024 жылдың 15-20 қыркүйегі аралығында Астанада өтетін ICPC байқауының 48-ші шығарылымының бір бөлігі ретінде ұйымдастырылады.
ICPC – әлемнің 50-ден астам елінен іріктелген 400-ден астам студентті қамтитын беделді университеттік бағдарламалау жарысы. Байқау жас мамандарға өз дағдыларын жетілдіріп, инновациялық шешімдер жасауға мүмкіндік береді. *Huawei* 2020 жылдан бері ICPC-тің гауһар демеушісі ретінде байқауға қолдау көрсетіп келеді.
Huawei Technologies Kazakhstan басқарма директоры Сю Хай: «ICPC байқауын қолдау арқылы біз ғылым мен технология саласында келесі буынды тәрбиелеуге ықпал етеміз», – деп атап өтті.
Қазақстанда ICPC байқауының өткізілуі IT саласы мен білім беруді дамытуға жаңа мүмкіндіктер ашып, елдің цифрлық экономикасын нығайтуға септігін тигізеді.