Енді eGov порталында ЖСН бойынша тіркелген SIM-карталар санын тексеруге болады
eGov порталында жаңа пайдалы функция пайда болды — енді кез келген қолданушы өз атына қанша SIM-карта мен IMEI тіркелгенін біле алады. Ол үшін тек ЖСН енгізу жеткілікті, жүйе адам атына тіркелген барлық нөмірлерді көрсетеді.
Цифрлық даму министрі Жаслан Мадиев бұл сервистің іске қосылуына қатысты пікір білдіріп, тексеру күмәнді немесе ұмыт қалған нөмірлерді анықтауға көмектесетінін атап өтті:
«Егер көрсетілген нөмірлер саны сіз шын мәнінде қолданатын нөмірлерге сәйкес келмесе, бірден өзіңіздің байланыс операторыңызға жүгініңіз».