Қарағанды қаласының инженерлері 3D-басып шығаруға арналған алғашқы АІ ассистентін ойлап тапты
3D-модельдеу және басып шығару бойынша кеңес беру, материалдар мен жабдықтарды таңдау, құрастыру процесіне көмектесу және соңғы өнімді жылжыту - енді осының барлығын батырманы бір рет басу арқылы жасауға болады. Қарағандылық инженерлер 3D-басып шығару саласындағы мамандарға арналған әлемдегі алғашқы АІ-ассистентті әзірледі. Біз жобаның қалай құрылғанын, көмекшінің қандай мүмкіндіктері бар екенін және инженерлердің жұмысын қалай өзгертетінін айтып береміз.
Идея қалай пайда болды
Данил Ращупкин 2006 жылы “KZ TRANSIT” ЖШС резеңке-техникалық бұйымдар және пластиктер шығаратын компанияны құрды. Үш жыл бұрын ол және оның командасы жаңа бағытты - аддитивті технологияны қолдана отырып, өнеркәсіптік бөлшектерді шығаруды дамыта бастады. Осылайша, олар “стартап ішінде” жаңа - Teleport 3D стартабын іске қосты, ал идеяны қысқа мерзімде іске асыруға “Терриконовая долина” Қарағанды IT-хабының және бизнес жебеушілерінің инвестициялары, сондай-ақ акселерациялық бағдарлама көмектесті. 3D-басып шығарумен жұмыс істей отырып, Данил қызметкерлермен бірге инженерлерге тән көптеген мәселелерге тап бола бастады: олар калибрленбеген принтер, бөлшектерді кесу кезіндегі қателер, нашар жабысқан пластик сияқты. Ал оларды шешу үшін форумдарға, мақалаларға және эксперименттерге көп уақыт жұмсау керек болды.
Сол кезде команда келесіні түсінді: олардың жинақталған тәжірибесін басқа инженерлерге жүздеген сағатты үнемдеуге көмектесетін ақылды көмекшіге айналдыруға болады. Осылайша 3D-басып шығаруға арналған АІ-ассистенттін жасау идеясы пайда болды.
Танысыңыздар бұл - Ника
АІ-технологиясының дамуын бақылай отырып, команда 3D-инженерлеріне арналған құралдармен бірге Teleport3D.com бұлттық платформасын әзірледі. Олардың ішіндегі ең бастысы - Ника 3D-модельдеу және басып шығару үшін әлемдегі алғашқы мамандандырылған AI-ассистентті.
Ника келесілерді біледі:
● 3D-модельдеу және басып шығару бойынша сұрақтарға жауап беру;
● пайдаланушы тапсырмаларына материалдар мен жабдықтарды таңдау;
● принтерді құрастыру, калибрлеу және жөндеу бойынша ұсыныстар беру;
● бағдарламалық жасақтамаға көмектесу (Blender және SolidWorks-тен Cura және Fusion 360-қа дейін);
● дайын өнімдерді жылжыту бойынша кеңес беру.
Бұл ретте Ника 24/7 жұмыс істейді, әлемнің барлық тілдерін қолдайды және пайдаланушы деңгейіне бейімделеді. Бұл жай чат-бот емес, бір рет басу арқылы қол жетімді инженерлік сараптама.
Кейс: Ника инженерлерге қалай көмектеседі
Іске қосылған сәттен бастап Ника ондаған инженерлерге, дизайнерлерге және студенттерге күнделікті мәселелерді шешуден бастап жобаларды толық қолдауға дейін көмектесе алды. Пайдаланушылардың бірі Алматыдан келген 23 жастағы инженер-тағылымдамашы Артем болды. Жобада жұмыс істей отырып, ол келесі тапсырмаға тап болды: SolidWorks-те эксперименттік құрылғыны басқаруға арналған дәл тістергіш жасау. Бюджет шектеулі болды және көмектесе алатын тәлімгер болмады.
Ника туралы білгеннен кейін Артем оған үш сұрақ қойды: тістергішті қалай дұрыс модельдеу керек, бюджет шеңберінде қандай 3D-принтерді таңдау керек және тістергіш бітеліп қалса не істеу керек. Ассистент толықтай ұсыныстар берді, модельдеу процесін түсіндірді (модульдер, функциялар, геометрияны жоғалтпай экспорттау), принтерлермен жұмыс істеу бойынша кеңес берді және техникалық мәселелерді шешуге көмектесті. Нәтижесінде Артем жұмыс бөлігін сәтті шығарды, жабдықты таңдады, SolidWorks-тің негізгі механикасын игерді және принтерге техникалық қызмет көрсетуді бірінші рет үшінші тараптың көмегінсіз жүргізді. Мұның бәрі ең аз бюджетпен және өте қысқа мерзімде жасалынды.
Жобаның болашағы
Данил мен оның командасы бұл Никаның бастамасы ғана екеніне сенімді. Болашақта олар Teleport 3D платформасының функционалын кеңейтуді және AI-ассистенттін жаңа мүмкіндіктерге үйретуді жоспарлап отыр.
Ал жаңа болашақ басталып жатқанда, Ника 3D-басып шығарумен жұмыс істейтін кез келген адамға көмектесуге дайын. Teleport3d.com тестілеп көруге дайынсыз ба?