АйтарлықIT

Қазақстан ЕАЭО цифрлық жүйелерін өзара мойындау жобасына қосылады

Ақпарат ағыны

• 1 min read
Қазақстан ЕАЭО цифрлық жүйелерін өзара мойындау жобасына қосылады

Ереванда өткен III Еуразиялық экономикалық форумда Еуразиялық экономикалық одақ (ЕАЭО) елдеріндегі цифрлық үдерістерді интеграциялауға бағытталған Digital Union тұжырымдамасы ұсынылды. Бастаманың негізгі мақсаты – қатысушы елдердің бизнесі мен азаматтары үшін цифрлық интеграцияның пайдасын көрсету. Тақырыптардың бірі – Қазақстанның сәйкестендіру және аутентификация жүйелерін өзара мойындау жөніндегі пилоттық жобаға қосылуы, бұл одақ ішіндегі цифрлық интеграцияны нығайтуға мүмкіндік береді.

«Ұлттық үкіметтердің табысты тәжірибесіне сүйене отырып және интеграциялық ақпараттық жүйенің мүмкіндіктерін пайдалана отырып, біз Digital Union идеясын ұсындық. Оның мақсаты – халықтарымызға және бизнеске еуразиялық экономикалық интеграциядан нақты пайда көрсетуді көздейді. Бұл ретте, біз мүше мемлекеттердің цифрлық егемендігіне қол сұғылмайтынына баса назар аудардық», – деді ЕЭК Алқасының төрағасы Б. Сағынтаев.

Оның айтуынша, тұжырымдама ЕАЭО-ға мүше мемлекеттердің цифрландыруға жауапты тиісті ведомстволарымен келісілген.

Тұжырымдамада үш қағида атап көрсетілген: Digital Union қалыптастыру кезінде пайдаланылатын нормативтік және инфрақұрылымдық шешімдердің үйлесімділігі, ұлттық цифрлық платформалардың синхронизациясын және үздіксіз өзара әрекеттесуін қамтамасыз ету, сондай-ақ тұжырымдаманың интеграциялық сипаты – мүше мемлекеттер дайын болған көлемде және қарқында барлық төрт «бостандықты» цифрландыру.

«Мұндай қағидалар цифрландыру саласындағы ең үздік ұлттық шешімдерді байланыстыруға, осылайша олардың әрі қарай ауқымын кеңейтуге жағдай жасауға мүмкіндік береді. Сонымен қатар, азаматтар мен заңды тұлғалардың деректерін бермей-ақ, ЕАЭО елдерінің сәйкестендіру және аутентификация жүйелерін өзара мойындау жүйесін қалыптастыру да маңызды. Аталған жүйелерді өзара мойындау жөніндегі пилоттық жоба қазірдің өзінде ЕЭК Армения және Қырғызстанмен бірлесіп жүзеге асыруда. Қазақстан – жобаға қосылу процесінде», – деп атап өтті Сағынтаев.

TSARKA қолдауымен