Қазақстан мемлекеттік қызметтерді цифрландыру бойынша үздік ондыққа кірді
2025 жылға қарай Қазақстан Орталық Азияда цифрлық трансформация бойынша көшбасшы мәртебесін нық бекітіп, Online Services Index жаһандық рейтингінде Оңтүстік Корея, Эстония және Даниямен қатар әлемдік ТОП-10-ға енді — бұл туралы The World Financial Review хабарлайды.
Атқарылған істер:
– БҰҰ-ның Электрондық үкіметті дамыту индексі бойынша (EGDI–2024) Қазақстан 24-орынға ие болып, Қытай, Германия және Аустралияны артта қалдырды.
– Мемлекеттік қызметтердің 92%-дан астамы онлайн қолжетімді, eGov.kz пен eGov Mobile арқылы 1200-ден астам цифрлық сервис ұсынылады.
– 2025 жылдың алғашқы жартысында қазақстандықтар 23 млн цифрлық қызмет алған, олардың 45%-ы смартфон арқылы.
– eGov Mobile белсенді қолданушылары — 11 млн адам, жалпы тіркелгендер саны — 14,7 млн.
– Қосымшада биометриялық аутентификация, push-хабарламалар және Kaspi.kz сынды суперқосымшалармен интеграциялар іске қосылды.
Жасанды интеллектке бетбұрыс:
– 2024 жылы ЖИ бойынша Ұлттық тұжырымдама бекітілді, ал қазір Ұлттық стратегия әзірленуде.
– 2025 жылдың шілдесінде Орталық Азиядағы ең қуатты суперкомпьютер іске қосылады — ол Цифрлық даму министрлігінің Tier III деңгейіндегі деректер орталығында жұмыс істейді.
– ЖИ туралы заң әзірленіп жатыр, Президент жанынан халықаралық сарапшылар қатысатын ЖИ жөніндегі халықаралық кеңес құрылады.
Стартаптар және инвестициялар:
– 2024 жылы қазақстандық стартаптар 250 млн АҚШ долларынан астам инвестиция тартты — бұл 2023 жылмен салыстырғанда үш есе көп.
– Astana Hub 28 елден 1300-ден астам стартапты біріктіреді, олардың жалпы кірісі — 1,2 трлн теңге, экспорты — 140 млрд теңгеден астам.
– 2025 жылы Telegram Astana Hub-тың резиденті атанып, Қазақстанның жаһандық технологиялық картасындағы рөлін нығайтты.
– Codiplay стартапының бағасы $100 млн-ға жетіп, оның платформасы Ұлыбритания, Оңтүстік Корея, Түркия, Сауд Арабиясы, Әзірбайжан мектептеріне енген және енді Қазақстан нарығына шығуда.
Жаһандық қатысу:
Қазақстан Сауд Арабиясы, Сингапур және АҚШ-та халықаралық технологиялық хабтар ашып жатыр. 2025 жылы жасанды интеллект стартаптарын дамытуға бағытталған көлемі $1 млрд Qazaqstan Venture Group венчурлік қоры іске қосылды.
IT-кадрлар және білім беру:
– Елде 18 000-нан астам IT-компания жұмыс істейді, салада 187 000 адам еңбек етуде.
– Tech Orda бағдарламасы 2029 жылға дейін жеке IT-мектептерде грант арқылы 20 000 жаңа маман дайындауды көздейді.
Басты сын-қатерлер:
– Финтех саласына тым жоғары шоғырлану
– Қала мен ауыл арасындағы цифрлық теңсіздік
– Жасанды интеллектті кең көлемде енгізуге дайындықтың жетіспеуі
Соған қарамастан, мемлекет пен жеке сектор жүйелі цифрлық стратегияны бірге қалыптастыруды жалғастыруда.