Қазақстан жастары WhatsApp пен Instagram-ды таңдайды: интернет-әдеттерге қатысты зерттеу
Аналитикалық есепке сәйкес, әлеуметтік желілер жастардың бос уақыт өткізуінің басты тәсілдерінің бірі болып қала береді.
Сауалнамаға қатысқандардың 66,2%-ы әлеуметтік желілерді тұрақты қолданатынын айтты, 21,5%-ы — анда-санда, 9,4%-ы — сирек, 1,9%-ы ешқашан қолданбаған, ал 1,1%-ы жауап беруге қиналды.
Қызығы, әлеуметтік желілер тек бір ғана әрекеттен кейін екінші орында тұр — ата-ананы көруге бару (67,8%).
Қай әлеуметтік желілер мен мессенджерлер көш бастап тұр
Қазақстан жастары арасында ең танымал қосымша — WhatsApp (89,4%). Одан кейін Instagram (79,8%) және TikTok (63,9%). Бұдан соң Telegram (24,6%), Facebook (9,1%) және ВКонтакте (4,7%).
Бар болғаны 0,3% респондент әлеуметтік желілерді немесе мессенджерлерді мүлде қолданбайтынын айтты.
Жастар қандай контент таңдайды
Интернетте жастардың көбі ақпараттық контентті көреді — 69,2%. Көңіл көтеру бағытындағы контентті 60,6% таңдайды. Талқылау, интерактив секілді тартатын контентке 33,3%, жарнамалыққа — 25,7%, ал вирустық (мемдер) контентке — 14,8% қызығушылық бар. 2,5% жауап беруге қиналды.
Жас ерекшелігіне қарай талғам өзгереді:
● 14–18 жас — көңіл көтеру (66,8%) және вирустық контентті (21,2%) таңдайды;
● 19–23 жас — ақпараттық контентті (74,5%);
● 24–28 жас — тартатын (34,4%) және жарнамалық (27%) контентті.
Платформалардың танымалдығы (пайдаланушылар саны):
● Instagram — 12,4 млн
● Facebook — 2,6 млн
● TikTok — 15,7 млн (18+)
● LinkedIn — 1,7 млн
● Messenger — 397 мың
● Snapchat — 885 мың
● X (Twitter) — 369 мың
Веб-трафик бойынша көшбасшы — Pinterest
Сыртқы сайттарға өтулерді қарастырғанда, Қазақстанда Pinterest көш бастап тұр — жалпы веб-трафиктің 35,96%-ы. Одан кейін YouTube (15,01%), Facebook (13,91%), X (10,44%), ВКонтакте (9,82%), Instagram (8,61%) және Reddit (4,18%). Қалған әлеуметтік желілер барлығы бірге 2,07%-ды құрайды.
Интернеттен не іздейді
Бейнероликтерді іздегенде қазақстандықтар көбіне музыка мен фильмдерге қатысты сөздерді жазады: «музыка», «фильм», «кино», «песня», «песни», «А4», «математика», «Маша», «мультики», «фильмы», «трактор», «Маша и Медведь».