Қазақстанда әйелдерге арналған жасанды интеллект бойынша курс басталады
Women in Tech Kazakhstan бастамасы аясында, EPAM Kazakhstan, Жасанды интеллектті дамыту қауымдастығы, Алматы қаласының Әкімдігі, «Әлеуметтік динамика» қорының қолдауымен және Darlean қатысуымен 9 маусымнан бастап әйелдерге арналған жасанды интеллект бойынша алғашқы онлайн курс — AI for Her басталады.
Бұл жоба Women in Tech Kazakhstan қауымдастығының еріктілерімен әзірленген және жүзеге асырылуда.
Бағдарламаның мақсаты — әйелдердің цифрлық сауаттылығын арттырып, жасанды интеллект құралдарын кәсіби қызметте де, күнделікті өмірде де қолдану дағдыларын дамытуға көмектесу.
Курс барысында қатысушылар ИИ-ді рутиналық тапсырмаларды автоматтандыруға, контент жасауға, уақытты басқаруға және жеке процестерді ұйымдастыруға үйренеді. Бағдарламада жасанды интеллект әлеміне терең үңілу, танымал құралдармен жұмыс: ChatGPT, Gemini, Copilot және басқалары; ИИ-ассистенттер жасау, презентациялар, бейнелер, жазбалар мен жоспарлау үшін AI пайдалану, сондай-ақ Telegram-арналарға технологияларды біріктіру қамтылған.
Курс HR, маркетинг, аналитика, құқық, қаржы салаларындағы мамандарға да, кәсібінде заманауи технологияларды қолданғысы келетін кәсіпкер әйелдерге де пайдалы болады.
Оқу аяқталған соң қатысушылар сертификат алып, Алматыда өтетін офлайн іс-шараға қатыса алады, сондай-ақ пікірлес қауымдастықта кәсіби байланыстарын кеңейту мүмкіндігіне ие болады.
Қатысу тегін. Тіркелу сілтемесі: https://forms.gle/LC1SHESfFJXGuP6YA