Қазақстанда кәсіпкерлерге арналған бірыңғай цифрлық кабинет іске қосылады
ҚР Қаржы министрлігі Кәсіпкердің Бірыңғай Жеке Кабинетін (КБЖК) таныстырды — бұл бизнеске арналған барлық негізгі қызметтерді бір жерге біріктіретін жаңа цифрлық платформа.
Енді кәсіпкерлерге әртүрлі жүйелерге (ЭСФ, ЕПЗ, Кеден, ДФО, Qoldau және басқалар) жеке-жеке кірудің қажеті жоқ: КБЖК арқылы салық есептілігін тапсыру, артық төлемдерді қайтару, салық режимін өзгерту, мемлекеттік сатып алуларға қатысу және бюджетпен есеп айырысуды қадағалау мүмкін болады.
КБЖК кәсіпкерлік қызметтің толық циклін қамтиды:
● кәсіпкерді тіркеу;
● салықтық жеңілдіктер алу;
● мемлекеттік сатып алуларға қатысу;
● салық есептілігін тапсыру;
● артық салық төлемдерін қайтару;
● төлемдерді нақтылау;
● салық режимін өзгерту;
● бюджетпен есеп айырысуды бақылау.
Алғашқы кезеңде КБЖК тек десктоп-нұсқада қолжетімді болады, алайда веб-нұсқаның барлық функциясын сақтайтын мобильді қосымша да әзірленіп жатыр. Қосымша App Store және Play Market платформаларында қолжетімді болады.