Қазақстанда көлік иелерін хабардар етуге арналған сервис іске қосылды
Күтпеген жағдай орын алған кезде көлік иесін жедел түрде хабардар етуге мүмкіндік беретін жаңа цифрлық сервис жұмысын бастады. Бұл туралы Үкімет отырысында Жаслан Мадиев мәлімдеді.
Енді, егер сіз терезесі ашық тұрған, жолды бөгеп тұрған немесе басқа да қолайсыздық тудыратын көлікті байқасаңыз, оның мемлекеттік нөмірін енгізіп, тиісті жағдайды таңдасаңыз жеткілікті — көлік иесіне анонимді хабарлама жіберіледі.
«Бұл сервис өзара көмек пен азаматтық жауапкершіліктің құралына айналады деп үміттенеміз», — деп атап өтті министр.
Сервис келесі платформалар арқылы қолжетімді болады:
• eGov мобильді қосымшасы
• Мемлекеттік қызметтер порталы
• Арнайы чат-бот
Бастама ҚР Ішкі істер министрлігімен бірлесіп жүзеге асырылды және жолдағы қолайлылық пен қауіпсіздікті арттыруға бағытталған.