Қазақстанда пойыз қозғалысының онлайн-таблосы іске қосылды
“Жолаушылар тасымалы” АҚ жолаушыларға пойыздардың қозғалысын нақты уақыт режимінде бақылауға мүмкіндік беретін “Пойыз қозғалысының онлайн-таблосы” цифрлық сервисін енгізді. Енді вокзалға бармай-ақ, пойыздардың келуі, жөнелтілуі және кестедегі өзгерістер туралы өзекті ақпарат алуға болады.
Жүйе жолаушылар пойыздарына орнатылған GPS-трекерлердің деректеріне негізделген. Ақпарат “Жолаушылар тасымалы” АҚ-ның Жағдайлық орталығына беріледі, ол тәулік бойы құрамдардың орналасуын қадағалап, онлайн-таблодағы мәліметтерді жаңартып отырады.
Қызметті қалай пайдалануға болады?
• bilet.railways.kz сайтына кіріңіз.
• “Пойыз қозғалысының онлайн-таблосы” баннерін басыңыз.
• Картадан қажетті пойызды таңдаңыз.
• Сондай-ақ сервис tablo-railways.kz/kk сайтында қолжетімді.
Жолаушылар пойыз қозғалысын (картада қызыл түспен белгіленген) бақылап, кестені, станциялар тізімін, аялдау уақытын және болжамды келу уақытын тексере алады.
Tablo-railways.kz сайтында тағы қандай қызметтер қолжетімді?
• Билеттерді сатып алу
• Отырғызу талонын алу
• Талап бойынша билеттерді қайтару
• Пойыздар кестесін қарау
• Жүк бағасын есептеу калькуляторы
Онлайн-таблоның енгізілуі жолаушылардың қолайлылығын арттырып, теміржол тасымалдарын барынша ашық етеді.