Қазақстандық студенттер халықаралық қаржылық қауіпсіздік олимпиадасында жүлдегер атанды
29 қыркүйектен 3 қазанға дейін Ресейдің Красноярск қаласында V Халықаралық қаржылық қауіпсіздік олимпиадасы өтті. Оған әлемнің 40 елінен 600-ден астам қатысушы жиналды.
Қазақстан құрамасын елдің 10 жоғары оқу орнының студенттері таныстырды: Maqsut Narikbayev University, Turan University, Ш. Есенов атындағы Каспий мемлекеттік технологиялар және инжиниринг университеті, Е. А. Букетов атындағы Қарағанды ұлттық зерттеу университеті, А. Сагинов атындағы Қарағанды техникалық университеті, М. Әуезов атындағы Оңтүстік Қазақстан университеті, Қожа Ахмет Ясауи атындағы Халықаралық қазақ-түрік университеті.
Қатысушылар жастарды құқыққа қарсы қызметке тарту қатерлерін, соның ішінде дропперлік, киберқауіпсіздік, терроризмді қаржыландыру мәселелерін, сондай-ақ мұндай құбылыстарға қарсы іс-қимылдың халықаралық тәжірибесін талқылады.
Қазақстан командасының дайындығы Қаржы мониторингі академиясы (AML Academy) базасында өтті. Барлық студенттер жоғары дайындық деңгейін көрсетіп, елді халықаралық аренада абыроймен таныстырды.
Зияткерлік сайыс қорытындысы бойынша үш студент жүлдегер атанып, II дәрежелі дипломға ие болды:
- «Құқықтану» бағыты бойынша — Maqsut Narikbayev University студенті Аманбаев Қуаныш;
- «Халықаралық қатынастар» бағыты бойынша — Maqsut Narikbayev University студенті Тілектес Мақсат;
- «Ақпараттық қауіпсіздік» бағыты бойынша — А. Сагинов атындағы Қарағанды техникалық университетінің студенті Каландаров Халил.