Қазақстандық жоғары оқу орындары жасанды интеллект негізінде инновациялық жобалар әзірлеуде
Astana IT University жасанды интеллект технологияларын дамытуға бағытталған пәнаралық зерттеулер жүргізуде. Бұл туралы үкімет отырысында университеттің ассоциирленген профессоры Бейбіт Әбдікенов мәлімдеді.
Зерттеу жобаларының бірі жасанды интеллектті қолдану арқылы сүт безі қатерлі ісігін диагностикалау және болжау технологиясын жасауға арналған. Жоба 2024–2026 жылдарға арналған бағдарламалық-мақсатты қаржыландыру аясында жүзеге асырылып, алғашқы пилоттық жобалар 2024 жылдың соңына дейін онкологиялық диспансерлерде іске қосу жоспарланған.
Бұдан бөлек, университет бұлшықет сигналдарын автоматты түрде танитын бионикалық білезік экзопротезін жасау бойынша жұмыс жүргізуде. Қазіргі уақытта құрылғының алғашқы прототипі әзірленген. Жоба мемлекеттік бағдарлама аясында қаржыландырылып, оны аяқтау және клиникалық сынақтар 2026 жылға жоспарланған.
Бұл зерттеулер денсаулық сақтау саласына озық технологияларды енгізуді ғана емес, сонымен қатар Қазақстандағы медициналық робототехниканы дамытуға ықпал етуді мақсат етеді.