АйтарлықIT

Киберапашка – бұл егде жастағы адамдарға арналған нұсқаулық

Ақпарат ағыны

• 1 min read
Киберапашка – бұл егде жастағы адамдарға арналған нұсқаулық

Технология күн санап қарыштап дамыған сайын интернет қолданушыларының саны да соғұрлым артып келеді. Алайда, бұл егде жастағы адамдар үшін оңай болмай тұр. Биылғы жылдың алғашқы үш айында ғана Қазақстанда 12 мыңнан астам алаяқтық фактісі тіркелсе, оның 42,2 пайызы интернет-алаяқтықпен байланысты.

Айта кетейік, қылмыстың бұл түрінен зардап шеккендердің саны 12,6 мың адамды құраған. Оның 6,3 мыңы 40 жастан асқандар екен. Өкініштісі, тек өткен жылдың өзінде 2 160 фишингтік шабуыл тіркелген.

Мәселенің ауқымды екені айтпаса да түсінікті шығар. Сондықтан егде жастағы азаматтардың киберсауаттылығын арттыру мақсатында bluescreen.kz техно-медиасы QazCloud-пен бірігіп «Киберапашка» жобасын іске қосты.

«Бұл - 40 жастан асқан азаматтардың киберсауаттылығын арттыру үшін жасалған жоба. Оның негізгі мақсаты қарапайым әрі түсінікті тілде азаматтарға киберқауіпсіздіктің не екенін түсіндіру. Біз сіздерге «Киберпашка» әжесінің бейнесі арқылы осының барлығын жеткізгіміз келеді. Өйткені ол бейнеде қамқорлық пен даналықтың исі аңқып тұр. «Cyberdash» цифрлық қауіп-қатерлермен алғаш рет бетпе-бет келгендерге көмектеседі әрі интернетті сенімді пайдалануды және деректерді қалай қорғау керектігін үйретеді. Бұл жоба миллиондаған азаматтар үшін керекті және пайдалы болады деген үміттеміз», - деді QazCloud бас директоры Қасым Есергепов.

Бұл жобада біз қарапайым әрі түсінікті түрде адамның интернетте өз-өзін қалай ұстау керектігін үйретеміз. Оның ішінде алаяқтардан қорғанудың, оларды қалай танудың және олардың құрығына түспеудің жолдарын көрсетеміз.  

«Жоба «АПА» деген сөзден туып отыр. Өйткені ол сөзде қамқорлық, даналық және жылылық бар. Яғни, бұл адамдар кеңес пен қолдауға мұқтаж болғанда жүгінетін сурет. Біз осы арқылы аудиторияға сенім ұялатып, сапалы әрі маңызды білім бергіміз келеді”, - деді bluescreen.kz CEO Анна Мельникова.

«Киберапашка» сіздер үшін түрлі тақырыпты қозғайды. Мысалы: фишинг дегеніміз не?, вишниг-қоңыраулардан қалай сақтану керек?, жалған электронды хаттар, кибербулинг, өтірік сайттардағы онлайн-дүкендер, алаяқтар жіберетін сілтемелер және т.б.

Осы тақырыптарды көтеру арқылы біз егде жастағы адамдардың қауіпсіздігін сақтағымыз келеді және олардың алаяқтарға жем болмағанын қалаймыз.

Қауіпсіздігіңізге берік болғыңыз келсе, біздің Instagram парақшамызға жазылып қойыңыздар.