АйтарлықIT

ҚР Премьер-Министрінің бірінші орынбасары Роман Скляр Қытайдағы Huawei штаб-пәтеріне барды

Ақпарат ағыны

• 1 min read
ҚР Премьер-Министрінің бірінші орынбасары Роман Скляр Қытайдағы Huawei штаб-пәтеріне барды

Қазақстандық делегацияның Қытайға жасаған жұмыссапары аясында Қазақстан Республикасының Премьер-Министрінің бірінші орынбасары Роман Скляр Шэньчжэнь қаласындағы Huawei компаниясының штаб-пәтеріне барды.

Кездесу барысында қазақстандық делегация Huawei компаниясының мемлекеттік қызметтер, көлік, мұнай-газ өнеркәсібі, энергетика, кен өндіру саласы, қаржы, өндірісжәне цифрлық энергетика сияқты түрлі салаларға арналған инновациялық шешімдерімен танысты.

Сапардың маңызды бөлігі Роман Склярдың Huawei Technologies вице-президенті Ли Цзюньфэнмен, Huawei Kazakhstan бас директоры Сун Ясюймен және Huawei Technologies Kazakhstan бас директорының орынбасары Сью Хаймен кездесуі болды. Келіссөздер барысында Huawei компаниясының Қазақстанда заманауи цифрлық шешімдерді енгізу және екіжақты ынтымақтастықты кеңейту жөніндегі ұсыныстары жан-жақты талқыланды.

«Біз Қазақстанның цифрлық инфрақұрылымын дамытудазор әлеует барын көріп отырмыз және оның цифрлық трансформациясына өз үлесімізді қосуға ниеттіміз. Huawei компаниясы тек алдыңғы қатарлы технологиялар мен инновациялық шешімдерді ғана емес, сонымен қатар жаһандық деңгейде жинақталған мол тәжірибесін ұсынуғадайын. Біз стратегиялық әріптестігіміз Қазақстанның«ақылды қоғам» құру, цифрлық экономиканы дамыту және азаматтардың өмір сапасын арттыру жөніндегі өршіл мақсаттарына жетуіне ықпал етеді деп сенеміз», — деді Huawei Technologies Kazakhstan бас директоры Сун Ясюй.

Кездесу қорытындысы бойынша тараптар жоғары технологиялар саласындағы стратегиялық әріптестіктідамытуға өзара мүдделілік білдірді.

TSARKA қолдауымен