Сот медицинасына жасанды интеллект көмегі: Қазақстан E-Saraptama жүйесін іске қосады
Қазақстанда сот-медициналық сараптамаға деген көзқарасты түбегейлі өзгертетін жаңа “E-Saraptama” ақпараттық жүйесі енгізілмек. Ең басты жаңалық — жасанды интеллекттің (ЖИ) интеграциясы. ЖИ дене жарақаттарын сараптау және қорытынды жасау үдерістеріне қатысады.
Сот медицинасы саласының маманы Алан Тіленшиевтің айтуынша, жүйе сараптамалардың дәлдігін, ашықтығын және объективтілігін айтарлықтай арттырып, адами фактор мен қателіктер қаупін төмендетеді.
Жүйе нақты не береді:
– жарақаттың ауырлығын анықтаудағы қателіктерді болдырмау;
– сарапшының күнделікті жұмысын автоматтандыру;
– жемқорлық тәуекелдерін азайту;
– үдерісті жеделдетіп, біріздендіру.
E-Saraptama жүйесі келесі айда іске қосылады. Алдағы уақытта бұл жүйені сот-сараптаманың басқа да бағыттарына кеңейту жоспарланып отыр.