Тимур Турлов: Еуропротоколды eGov пен 102 жүйесіне интеграциялау қажет
Мемлекеттік қызметтер мен сервистердің іске асу барысы туралы Freedom Holding Corp компаниясының негізін қалаушысы және иесі Тимур Турлов Үкімет отырысында айтып берді.
Ол өз сөзінде цифрлық сақтандыру өнімдері 21-ден астам мемлекеттік интеграцияны пайдаланып жатқанын атап өтті.
«Біз нарықта алғаш болып ИС ХҚКО 2.0 сервисіне қосылдық. Осы арқылы біз көлік тіркелген сәттен бастап сақтандыруды қамтамасыз етеміз. Ал өзге компанияларда сақтандыру келесі күні ғана күшіне енеді. Бір жыл бұрын ҚҚҚ агенттігі (АРРФР) Еуропротокол механизмін іске қосты. Оның аясында шағын жол-көлік оқиғаларын (шығын 100 АЕК-ке дейін) жол полициясының қатысуынсыз және сотқа жүгінбей реттеуге болады. Бұл мемлекеттік органдарға түсетін жүктемені азайтып, төлем алу процесін жеделдетеді. Біздің сақтандыру жағдайларын реттеу өнімі – dtp.kz – төлемді 5 күнтізбелік күн ішінде жасайды, ал нарықтағы орташа төлем мерзімі – 92 күн. Алайда мемлекет барлық жағдайды жасағанына қарамастан, Еуропротокол механизмін пайдалану үлесі әлі де төмен», — деді Тимур Турлов.
Осыған байланысты ол мемлекетке тиесілі 102 (ІІМ) және eGov секілді қолданыстағы қосымшаларға Еуропротокол принципіне сай келетін өнімдерді интеграциялауды ұсынды. Оның пікірінше, бұл жол қозғалысы мен соттарға түсетін жүктемені азайтып, азаматтарға жол апаты болған жағдайда төлемдерді тезірек алуға мүмкіндік береді.