АйтарлықIT

Транскаспийлік талшықты-оптикалық байланыс желісі (ВОЛС): Қытайлық HMN Technologies компаниясы 45 миллион долларға интернет-кабель төсейді

Ақпарат ағыны

• 1 min read
Транскаспийлік талшықты-оптикалық байланыс желісі (ВОЛС): Қытайлық HMN Technologies компаниясы 45 миллион долларға интернет-кабель төсейді

Қазақстан мен Әзірбайжан бірлесіп Транскаспийлік талшықты-оптикалық байланыс желісін (ТОБЖ) салу жобасын жүзеге асыруда. Бұл жоба екі ел арасында жоғары жылдамдықты интернетпен қамтамасыз етуді көздейді. Су асты кабелін салу жұмыстарын Қытайдың HMN Technologies Co., Ltd. компаниясы (бұрынғы атауы Huawei Marine Networks) жүргізуде.

Цифрлық даму министрі Жаслан Мадиевтің БАҚ-қа берген түсіндірмесіне сәйкес, жобаның құны 45 миллион долларды құрайды, ал құрылыс жұмыстары 2026 жылдың соңына дейін аяқталады деп жоспарлануда. Бастапқыда жұмыстарды 2025 жылдың соңына дейін аяқтау жоспарланған болатын, алайда консорциумдық келісімге қол қойылғаннан кейін кесте қайта қаралды.

«Мүмкін (мерзімі 2025 жылға дейін болған шығар — ред.), бірақ консорциумға қол қою жақында ғана болды. Қазір жұмыстар толық қарқынмен жүріп жатыр, оның ішінде зерттеу жұмыстары да бар: кабель қай жерден өтеді, соны анықтап жатыр. Жоба құжаттамасы әзірленуде, кабельге тапсырыс берілді, оны тасымалдау жұмыстары жүргізіледі. Менің ойымша, келесі жылдың соңына дейін аяқтаймыз», – деді министр.

Транскаспийлік ТОБЖ — стратегиялық инфрақұрылымдық жоба. Ол Қазақстанның Ақтау қаласынан Әзірбайжанның Сиазань қаласына дейін Каспий теңізінің түбімен су асты кабелін төсеуді көздейді. Жобаны «Қазақтелеком» АҚ мен AzerTelecom компаниясы жүзеге асыруда. Мақсаты — цифрлық дәлізді кеңейту және өңірдегі интернет байланысының сапасын арттыру.

HMN Technologies Co., Ltd. — су асты телекоммуникациялық кабельдерді төсеу және қызмет көрсету бойынша әлемдік жетекші компания. Компания байланыс операторлары мен интернет-компаниялармен бірлесіп жұмыс істейді және теңіз түбі арқылы халықаралық деректерді беруді қамтамасыз етеді.

TSARKA қолдауымен