Ұлттық банк Gold Coin жобасы аясында ÚKI инвестициялық монетасын шығарады
Қазақстан Республикасының Ұлттық Банкі 2025 жылғы 17 наурыздан бастап Gold Coin жобасының іске қосылатынын жариялады, бұл – инвестициялық монетаның цифрлық баламасы.
Жаңа инвестициялық құралды Астана халықаралық қаржы орталығының (AIX) Tabys мобильді қосымшасы арқылы сатып алуға болады.
Gold Coin жобасының мақсаты – Қазақстан азаматтарына цифрлық экономика мен заманауи технологиялар жағдайында инвестициялаудың және капитал жинақтаудың баламалы мүмкіндігін ұсыну.
Gold Coin бірлігі 1/20 трой унциясына тең, оның құны Лондон бағалы металдар нарығы қауымдастығы (LBMA) белгілеген алтын бағасына және АҚШ долларына қатысты теңгенің ресми бағамына байланысты есептеледі.
Tabys мобильді қосымшасы арқылы пайдаланушылар онлайн режимде Gold Coin сатып ала алады, сата алады және сыйға тарта алады, сондай-ақ жиырма Gold Coin бірлігі жиналған жағдайда, оны Ұлттық Банктің аумақтық филиалдарында физикалық алтыннан жасалған ÚKI инвестициялық монетасына айырбастауға болады.
ÚKI инвестициялық монетасы 2025 жылғы 17 наурыздан бастап айналымға шығарылады және сатып алуға қолжетімді болады.
Gold Coin жобасы туралы толығырақ ақпаратты Ұлттық Банктің YouTube арнасынан білуге болады.
ÚKI инвестициялық алтын монетасы Au 999,9, номиналы 100 теңге, салмағы 31,1 грамм / 1 трой унция.