АйтарлықIT

Үшінші Alternativa Film Festival 2026 жылдың 21–30 сәуірі аралығында Медельинде өтеді

Ақпарат ағыны

10 нояб. 2025 г. • 3 min read

inDrive компаниясы негізін қалаған Alternativa жобасы үшінші Alternativa Film Festival (AFF) — дүниені жақсартатын фильмдерге арналған көшпелі кинофестиваль — 2026 жылғы 21–30 сәуірде Медельинде (Колумбия) өтетінін хабарлады. Бұл – AFF үшінші саяхаты: 2024 жылы Alternativa киножүлделері Алматыда (Қазақстан) табысталған, ал 2024 жылы фестиваль Джокьякартада (Индонезия) өтті. Сондай-ақ Alternativa командасы фестиваль опен-коллының қорытындысын шығарды: осы жолы рекорд болып, 1 831 өтінім келіп түскен, оның 319-ы Азиядан келген.

Бұл жаңалықтар Колумбияда, бастаманың ресми серіктесі Miradas Medellín 2025 фестивалі аясында өткен Alternativa бірінші пресс-конференциясында айтылды. Пресс-конференцияға Alternativa басшысы Лиза Сурганова; InDrive бизнесті дамыту бөлімінің басшысы Харольд Фореро Нейра қатысты.

«Фестиваліміз Орталық Азиядан басталған, бұл жақта да оған деген әуестік басылмай келе жатқанына қуаныштымыз, Қазақстаннан, Қырғызстаннан, аймақтың өзге де елдерінен келіп жатқан көп өтінім соған дәлел. Alternativa Film Festival миссиясы — Жаһанның оңтүстігінен шыққан дарынды, қоғамды оң өзгерістерге жетелейтін фильмдер түсіріп жүрген кинематографистерді қолдап, таныту. Үшінші AFF Азиядан, соның ішінде Орталық Азиядан шыққан авторларға жаһандық деңгейде көбірек танылып қана қоймай, өз туындыларын латынамерикалық аудиторияға да жеткізіп, Латын Америкасындағы әріптестерімен жаңа кәсіби байланыс орнатуға да сеп болады», — дейді Alternativa басшысы Лиза Сурганова.

Пресс-конференцияда спикерлер неліктен келесі Alternativa Film Festival Медельинде өткелі жатыр деген сұраққа жауап берді. Alternativa орталықтан ажырау принципін ұстанып, әр фестивальді өткізуге саяси емес, Алматы мен Джокьякарта сынды мәдени астаналарды таңдап келеді. Медельин де шығармашылық энергиясы тасып тұрған, белсенді кинематографистер қауымдастығы бар қала екені белгілі әрі қала институциялары ұсынып отырған қолдау да маңызды фактор болды. Alternativa командасы Медельиннің мәдениеті, табиғаты мен көңіл күйі фестивальге бүкіл дүниежүзінен жиналған қатысушыларға керемет әсер сыйлайды деп сеніп отыр.

«Он үш жыл бұрын inDrive компаниясы әділетсіздікке қарсы тұрып, адамдарға таңдау еркіндігін беру арқылы қауымдарды нығайту деген негізгі ұстаныммен құрылған. Таңдау мүмкіндігі – көбіне баламасыз қалатын жандарға аса маңызды екеніне сенетініміз әлі күнге дейін бізге шабыт беріп келеді. Сол себепті де Alternativa деген флагман бастамамызды да, әлеуметтік импакт-бағдарламаларымызды да Колумбияның ең маңызды қалаларының бірі – Медельинде таныстырып отырғанымызға ерекше қуаныштымыз. Біздің мақсат – Жаһанның Оңтүстігі елдерінде киноиндустрияға қол жеткізу мүмкіндігін демократияландыру, маңызды оқиғалар мен дауыстардың жұртқа жетуіне жол ашу. Медельиннің рухы мен қуаты біздің миссиямызға толық үйлеседі, сондықтан да осында, жергілікті қауымдармен бірлесіп жұмыс істеуге келгенімізге ризамыз», — деді inDrive компаниясының бизнесті дамыту бөлімінің басшысы Харольд Фореро Нейра.

Іс-шара барысында AFF 2026 опен-коллыныңқорытындысы да жарияланды. Азия мен Латын Америкасынан әлеуметтік маңызы бар тақырыптарды көтеретін фильмдер қабылданған байқауға барлығы 1 831 өтінім түскен (оның 677-сі толықметрлі, 1 154-і қысқаметрлі фильмдер). Бұл — фестиваль тарихындағы рекорд. Соның ішінде 1 095 фильм байқау талаптарына сай деп танылды. Өтінімдер 55 елден, соның ішінде Азияның 33 елінен келіп түскен, бұл өңірден 319 фильм ұсынылған. Азия елдерінен өтінім саны жағынан көш бастағандар — Үндістан, Иран, Қазақстан, Индонезия және Малайзия. Орталық Азиядан жалпы 36 фильм: Қазақстаннан — 20, Қырғызстаннан — 8, Өзбекстаннан — 5, Тәжікстаннан — 3 фильм қабылданған.

Alternativa Film Festival 2026 аясында Азиядан, соның ішінде Орталық Азиядан қатысатын режиссерлер толықметрлі фильмдерге арналған төрт жүлдеге таласа алады: Spotlight, Future Voice, Alter және Nativa. Бұлардан бөлек, қазіргі Alternativa фокус-аймағы саналатын Латын Америкасынан шыққан толықметрлі фильмге Focus Awardдеген жаңа жүлде табысталмақ. Ал Shorts Awardsаталымындағы екі жүлде — өткен жылдардағыдай — фокус-аймақтан шыққан қысқаметрлі туындыларға арналған. Фестивальдің жалпы жүлде қоры — 120 000 АҚШ доллары: толықметрлі фильмдердің әр жеңімпазы 20 000 доллардан алса, қысқаметрлі аталымда топ жарған екі авторға 10 000 доллардан беріледі.

AFF 2026 іріктеу комиссиясы жұмысын бастап кетті. Латын Америкасы, Оңтүстік-Шығыс Азия, Орталық Азия және өзге де аймақтардың кино және импакт саласының мамандарынан құралған команда ұсынылған фильмдердің көркемдік деңгейін ғана емес, олардың импакт-әлеуетін де бағалайды. Фестивальдің байқау бағдарламасы 2026 жылғы ақпанның аяғында жарияланады.

«Alternativa кинофестивалінің іріктеу комиссиясының құрамында тағы бір мәрте болғанымды бақыт көремін. Бұл фестиваль де, оның мейірімді командасы да, ұстанатын миссиясы да, түрлі елдер мен енді бір емес, бірнеше құрлықтан келіп түскен, өзіндік мәдени контекстісі бар фильмдері де менің жүрегіме әбден жақын. Осы жұмыстардың бәрін біріктіріп тұрған ортақ идея — адам өмірінің құндылығы мен адам құқықтарының маңызы. Қазір іріктеу қызу жүріп жатыр, әрі қазірдің өзінде-ақ таңдау оңай болмайтыны анық», — деп тәжікстандық режиссер әрі сценарист Шарофат Арабова байқау бағдарламасын дайындауға қатысуы туралы сөз өрбітті.

Alternativa Film Festival 2026 бағдарламасының өзегі – он күн бойы өтетін байқау фильмдерінің ашық әрі тегін көрсетілімдері болмақ. Көрсетілімдерден кейін көрермендерді көтерілген тақырыптар төңірегінде пікір алмасуға тарту үшін түрлі талқылаулар мен қосымша іс-шаралар ұйымдастырылады. Сонымен қатар фестиваль аясында кинематографистер мен импакт саласы сарапшыларының басын қосатын Industry Days өтпек. Фестиваль байқау бағдарламасына енген фильмдердің авторлары шақырылатын марапаттау рәсімімен аяқталады.

Alternativa Film Festival фото, видео және өзге де материалдарын мына жерден таба аласыз.Alternativa әлеуметтік желілеріне жазылып алып, alternativa.film сайтында жобаның жаңалықтарын қадағалап жүріңіз.

TSARKA қолдауымен