Зерттеу: Қазақстандықтардың үштен бірі іскерлік келісімдерді жазбаша түрде тіркемейді
Іскерлік хат алмасу ережелері ондаған жылдар бойы жетілдіріліп келеді. Цифрлық дәуірдің келуімен маңызды серіктестермен келісімдерді бекіту жеңіл әрі ыңғайлы бола түсті. Заманауи құралдардың арқасында жобаларды басқару және аутсорсинг мамандарымен байланыс орнату процестері жеңілдеді. Алайда, құпия ақпараттың таралуы мен киберқауіптер секілді жаңа қатерлер де пайда болды.
Бизнесті дамытуға арналған IT-жүйелердің жетекші әзірлеушісі Битрикс24 Қазақстан мамандары қазақстандықтар арасында сауалнама жүргізіп, серіктестермен, сыртқы мамандармен және мердігерлермен жұмысты реттеу үшін қандай құралдар жиі қолданылатындығын анықтады. Сондай-ақ зерттеу барысында қазақстандық бизнестегі ең танымал инновациялық жүйелер және маңызды келісімдердің қалай тіркелетіні белгілі болды.
Зерттеу нәтижесінде респонденттердің 78%-ы компаниядан тыс мамандармен немесе іскерлік серіктестермен келісімдерді көбінесе ауызша, яғни телефон арқылы жасайды екен. Электрондық пошта арқылы хат алмасуды басты байланыс әдісі ретінде 14% атап өтті. 1% ғана интерактивті сервистерді пайдаланады.
Қазақстандықтар бірлескен жұмыс үшін ең маңызды құралдар ретінде файлдар мен құжаттармен алмасу (51%), бейнеконференциялар мен чаттар (21%), міндеттерді басқару (12%) және құжаттарды бірлесіп өңдеу және басқа сервистермен интеграцияны (8%) таңдаған.
47% респондент үшін қазіргі заманғы цифрлық құралдармен жұмыс істеу барысында құпиялылық пен деректер қауіпсіздігі басты қауіп болып табылады.
Сауалнамаға қатысқандардың тек 14%-ы ғана бағдарламалық жасақтаманың ақылы нұсқалары мен лицензияларын сатып алады. 84% тегін бағдарламаларды қолданса, 2% пираттық немесе бұзылған нұсқаларға жүгінеді.
Сыртқы серіктестермен жұмыс істеудегі негізгі қиындықтар:қосылу проблемалары – 33%, цифрлық құралдардың функционалына қанағаттанбау – 33%, cыртқымамандардың жеткіліксіз пайдаланушылық тәжірибесі – 10%, қолжетімділік құқықтары бойынша қиындықтар – 17%, қазақ тіліндегі функционалдың жоқтығы – 6%, 37% респондент өзіне ыңғайлы бірлескен жұмыс құралдарын пайдаланбайтын мердігермен жұмыстан бас тартуға бейім.
Қызықты факт
31% респондент мердігерлер мен серіктестермен кездесулерден кейін келісімдерді ешқашан тіркемейді.37% респондент кездесулері туралы жеке күнделіктеріне жазады.22% онлайн ортақ хаттама жүргізеді (мысалы, Google Docs).Тек 10% ғана Trello, Bitrix24 Коллаб секілді жобаларды басқару бағдарламаларын пайдаланады.
Қорытынды
Қазақстандағы ірі және орта бизнес біртіндеп коммуникациялар мен міндеттерді басқаруды заманауи платформаларға көшіріп, деректердің қауіпсіздігін және пайдалану қолайлылығын қамтамасыз етуде. Алайда, бұл шешімдердің функционалы сыртқы мердігерлер және серіктестермен жұмыс істеуде толық қолжетімді емес. Сонымен қатар, дәстүрлі e-mail арқылы байланыс барған сайын өзектілігін жоғалтып келеді, себебі ол контрагенттермен жедел байланысты сақтауға мүмкіндік бермейді.
Көптеген қазақстандықтар мәліметтермен жұмыс істеудің қорғалмаған әдістерін, яғни танымал мессенджерлердіқолданады. Кибершабуылдардың артуын ескере отырып, Қазақстанның Цифрлық даму министрлігі 2024 жылдың соңында "Киберқауіпсіздік саласындағы қызметтің кәсіби стандарты" туралы бұйрық жобасын ұсынды. Бұл бастама еңбек нарығында цифрлық қауіпсіздік деңгейін арттырып, заң бұзушылықтар мен деректердің таралуын азайтуға бағытталған.
Осы мәселелерді ескере отырып, Битрикс24 заманауи жұмыс стандарттарына жауап беретін шешімді ұсынды. Коллабтар - бұл Битрикс24 платформасында сыртқы командалармен және клиенттермен жұмыс істеуге арналған жеке кеңістіктер. Бұл жерде қорғалған мессенджер, ыңғайлы міндеттерді басқару, бейне қоңыраулар және ортақ күнтізбе бар.
Зерттеу Bitrix24 Қазақстан онлайн-сервисі арқылы 2025 жылдың ақпанында Қазақстан Республикасының барлық өңірлерінен 1000 респондент арасында жүргізілді.