Қазақстандық авиациялық стартаптар инвестиция тартып, жаһандық нарыққа шығып жатыр
Astana Hub экожүйесінде авиация саласына қатысты стартаптар да әзірленуде. Бұл жобалар билеттерді онлайн сатып алуға, ұшу кезінде ойын-сауық қызметтерін ұсынуға және басқа да қажеттіліктерді қамтамасыз етуге көмектеседі. Аталған стартаптар қазірдің өзінде миллиардтаған теңге табыс әкеліп, жүздеген жұмыс орнын ашты.
Мысалы, Farel стартапы авиакомпаниялардың барлық процестерін автоматтандыруға көмектеседі. Компанияның негізін қалаушы – 2020 жылы Y-Combinator акселераторына енген алғашқы қазақстандық.
Y-Combinator – әлемдегі ең танымал және табысты бизнес-акселераторлардың бірі. Бұл бағдарлама көптеген әйгілі компаниялардың дамуына ықпал етті, олардың қатарында:
● Airbnb – бүкіл әлем бойынша тұрғын үй жалдау сервисі,
● Dropbox – бұлттық файл сақтау қызметі,
● Reddit – танымал жаңалықтар және ойын-сауық платформасы және басқа да жобалар бар.
Farel компаниясы Кремний алқабының инвесторларынан қаржы тартып, өз командасын кеңейтуді жалғастыруда.