Қазақстандық стартаптар ерте бастан өтінім береді: EA Ventures 2024 жылғы инвестициялық қызметтің нәтижесін қорытындылады
Қазақстандық EA Group инвестициялық холдингінің венчурлық бөлімі EA Ventures өткен жылғы инвестициялық қызметінің қорытындысын жариялады. Қазақстандық жобалардың көбісі дамудың ерте кезеңдерінде өтінім жасаған.
Қор 2024 жылы сегіз мемлекеттің 102 стартапына сараптама жасады. Олардың екеуі – Hero's Journey және PLATMA инвестиция алды. Өтінімдердің көбісі дамудың ерте басында жасалған: Pre-Seed (34,31%) және Seed (39,22%). Жалпы өтінім жасалған жобалардың 27 пайыздан астамының раундтағы бағалауы – 10 млн-нан 20 млн долларға дейін, 24,6% – 5 млн-нан 10 млн долларға дейін, 20% 20 млннан 50 млн долларға дейін болды.
Қаралған жобалардың 62,75 пайызы технологиялар және бағдарламалық қамтамасыз ету секторын құрайды, оның ішінде жасанды интеллектіні қолданатындары да бар. Одан кейін FinTech (54,90%), E-Commerce және HealthTech (22,55%-дан) келеді. Айта кетейік, өтінім жіберген стартаптардың бір бөлігі бірнеше индустрияны қатар қамтиды.
Қабылданған өтінімдердің географиялық орналасуы бойынша – АҚШ (20,5%) және Қазақстан (17,9%) өкілдерінің айқын басымдылығы көрінеді, сонымен қатар, еуропалық стартаптардың да қызығушылығы артып отыр, нақты айтқанда Испания (10,3%) және Германияны (3,8%) айтуға болады.
Қазақстандық стартаптар Pre-Seed (50%) және Seed (50%) кезеңдерде өтінім жасаған, дамудың соңғы кезеңдеріндегі өтінімдер болмаған. Индустрия бойынша – EA Ventures-ке өтінім жіберген қазақстандық стартаптардың арасында FinTech (21,3%), E-Commerce (14,3%) және Technology & Software (14,2%) салаларының жобалары көбірек кездеседі. Сонымен қатар аэроғарыш саласына да қатысты жобалар болған.
Қор өкілдері жобаларды іріктеу барысында даму көрсеткіштері мен бизнес-модельдің ауқымдылығына ерекше көңіл бөлген. Инвестиция құюдан бас тартудың негізгі себептері жеткіліксіз traction (27,45%), инвестициялық мандатқа сәйкес келмеу (21,57%) және өнімнің сапасына қатысты проблема (17,65%) факторлары болды.