OpenAI және Қазақстан Электрондық үкіметке жасанды интеллектті енгізу бойынша ынтымақтастықты талқылады
Парижде өткен AI Action Summit аясында Қазақстанның цифрлық даму министрі Жаслан Мәдиев және ҚР Президентінің кеңесшісі Қуанышбек Есекеев жасанды интеллект саласындағы әлемдік жетекші сарапшылармен бірқатар кездесулер өткізді.
OpenAI-мен кездесу
Саммиттің негізгі іс-шараларының бірі Жаслан Мәдиевтің OpenAI-дің жоғары басшыларымен кездесуі болды. Кездесуге Еуропа мен Таяу Шығыс бойынша саясат және серіктестік бөлімінің басшысы Сандро Джанелла және ЕО үкіметтерімен өзара әрекеттесу жөніндегі жетекші Жюли Лаве қатысты.
Тараптар Жасанды интеллектті Қазақстанның Электрондық үкімет жүйесіне енгізу және дербес деректердің қауіпсіздігін қамтамасыз ету мәселелерін талқылады. OpenAI өкілдері Қазақстанның жасанды интеллект саласындағы жетістіктеріне таңданысын білдіріп, қазақстандық мамандармен техникалық кездесу ұйымдастыруды ұсынды.
Қазақстан және әлемдік ИИ-сарапшылар
Саммит барысында Жаслан Мәдиев Стэнфорд профессоры және заманауи компьютерлік көру технологияларының негізін қалаған ImageNet дерекқорының авторы Фэй-Фэй Лимен келіссөздер жүргізді. Қазақстандық ИИ-стартаптардың жетістіктері сарапшының үлкен қызығушылығын тудырды.
Сонымен қатар, Meta компаниясының жасанды интеллект жөніндегі бас ғылыми қызметкері Ян ЛеКунмен кездесу өтті. Кездесуде LLaMA негізінде әзірленген қазақстандық тілдік модель – KazLLM-нің дамуы талқыланды. Ян ЛеКун KazLLM-ге жоғары баға беріп, болашақта ынтымақтастық орнатуға дайын екенін білдірді. Өз кезегінде, Жаслан Мәдиев оны Digital Bridge форумына шақырып, бірлескен жобаларды талқылауды ұсынды.
Халықаралық серіктестіктер
Қазақстанның цифрлық даму министрі Clever Cloud компаниясының негізін қалаушы Квентин Адаммен кездесті. Clever Cloud – Java, Scala, Ruby, Node.js, PHP, Python және Go сияқты бағдарламалау тілдерінде автоматты масштабтау және қалпына келтіру функциялары бар платформалық қызмет көрсететін компания. Кездесуде бұлтты есептеулер саласында R&D зертханасын ашу мүмкіндігі талқыланды.
Сонымен қатар, Сербия Республикасының Ғылым, технологиялық даму және инновациялар министрі Елена Беговичпен кездесу өтті. Келіссөздер барысында тараптар Alem.AI халықаралық орталығының қызметі және жасанды интеллект саласындағы білім беру бағдарламалары туралы пікір алмасты. Сербия делегациясы Қазақстанның бастамаларына үлкен қызығушылық танытып, Астанаға келіп, ИИ саласындағы білім беру бағдарламалары бойынша одан әрі ынтымақтастықты талқылауға ниетті екенін білдірді.