Ulytau Hub: Улытау облысында жаңа цифрлық хаб ашылды
Жезқазғанда Ulytau Hub — Қазақстанның он жетінші аймақтық IT-хабының ашылуы өтті. Бұл орталық Astana Hub, Цифрландыру министрлігі және Улытау облысы әкімдігінің қолдауымен құрылды. Оның мақсаты — стартаптарды қолдау, IT-білімді дамыту және өңірдегі технологиялық экожүйені нығайту. Орталық Жезқазған қаласы, Абай көшесі, 99 ғимаратта орналасқан және технологиялық инновацияларға қызығушылық танытқан барлық адамдарды қабылдауға дайын.
Ulytau Hub-тың басты мақсаты — жергілікті IT-қоғамдастықты және стартап мәдениетін дамытуға қолайлы орта қалыптастыру, технологиялық кәсіпкерлікті ынталандыру және өңір тұрғындарына цифрлық білім беруді қолдау.
Улытау облысының әкімі Дастан Адайұлы бұл оқиғаны тек қарапайым ашылу ғана емес, өңірдің дамуының жаңа кезеңі деп атап өтті:
Жаңа орталықта инкубациялық бағдарламалар, оқу курстары, семинарлар және митаптар, воркшоптар, Speaker Talks, Idea Battle, Pizza Pitch, форумдар, хакатондар және халықаралық деңгейдегі олимпиадалар сияқты түрлі шаралар ұйымдастырылады, олар технологиялық экожүйе қатысушылары арасында тәжірибе мен идея алмасуға бағытталған.
Astana Hub-тың аймақтық даму офисінің директоры Аида Дусова атап өтті:
Бүгінгі таңда Қазақстанның 16 өңірінде IT-хабтар белсенді жұмыс істеп тұр, ал жыл соңына дейін Петропавлда соңғы, он сегізінші хабтың ашылуы жоспарлануда. Бұл орталықтар ұлттық технологиялық экожүйенің ажырамас бөлігіне айналып, жергілікті қауымдастықтардың қалыптасуы мен цифрлық құзыреттіліктерді дамытуға ықпал етуде.
Өткен жылдан бастап аймақтық IT-хабтар 1700-ден астам іс-шара өткізді, оның ішінде ақпараттық-коммуникациялық технологиялар саласындағы тоғыз халықаралық форум ұйымдастырылып, 50 мыңнан астам адам қатысып, 440 стартаптың әлеуеті көрсетілді. Осы бастамалардың арқасында шамамен 200 IT-компания Astana Hub экожүйесіне қатысушы болып, бұл еліміздің IT-индустриясының дамуына оң әсер етті.